ရာစ၀င်ကိုပန်မည့် နှလုံးသွီးစက်ပေါင်းများစွာ
စွန့် လွှတ်ရခြင်းမာ အယှုံးပီး ဒူးထောက် ခ ယလို့ 
ဒေပိုင်းနန့်  ဆောင်းနှောင်းအိုဈာပနကို
နွီကြို ဥသြတိနန့် အတူ ငါနှလုံးသားတက်ရောက်ခလီရေ
အစီအရီ ယစ်ပူဇော်ထားရေ စီးမျက်ရည် အကြည့်ပွင့်တိ
လရောင်ချို အိပ်မက်ရို့  တိကို ထိုးမွှီးနှောက် သောက်သုံးယင့်
သန်းခေါင်ယံထက် အလွမ်းညဥ့်တိ
နက်သထက်နက် လာခရဗျာလ်.....
အမှန်ဆ်ို ဒဏ္ဍာရီနှလုံးသားအပေါင်းရို့ 
ပက်ခုံးထက်ကျော်တက်
ချစ်သူရီးသော ရာဇ၀င် ခပ်ယမ်းယမ်းထဲ
လောကဓံ ခရောင်းဆူးအပ် တိကို နှလုံးသဲထိပ်
သူရဲကောင်းတစ်ဦးစွာ ငါချင့်
ငါ့ဘ၀ အာခိလိဖနောင့်ကို သိထားရေမင်း
ပိစိကလောင် ရုပ်ဝတ္ထုတိကြဲထားရေ လမ်းခွအဆိုက်ကျမှ
ရက်စက်မြှား အစင်းပေါင်းများစွာနန့် ပက်စက် ထိုးသွင်း ပစ်ပြီးရဲ လီရေ
မွှီးဝက်မှုန်ရနံ့ ရို့ နန့် အတူတဒင်္ဂစာ
ဆောင်လာသုတ်ဖြူးပီးခရေ လီညှင်းငယ်ချေဝေး......
သံသရာကိုယမမုန်တိုင်းရို့ နန့် အကြိမ်ကြိမ်
အကြမ်းအယမ်း ထိုးစစ်ဆင်းမည့်
ငါ့ဘ၀အဆက်ဆက်ထဲ ရှေ့ရီစက်တိ အတွက်
အနှောင်ဆက်ထုံးချေ တစ်ခု
ဖြီးပီးခပါအုံးသိနန့် .............."
(အောင်မင်းခန့် )
No comments:
Post a Comment