ငါရို့ဝီးလားကတ်တေခါ

ငါရို့ဝီးလားကတ်တေခါ

ငါရို့ ဝီးလားကတ်တေခါ...
သငယ်ချင်း
ခင်မင်ခသမျှ ဘဝမှာပိုင်ဆိုင်စရာ အမှတ်တရတိပ
နားလည်မှု
ဖေးမ ကူညီမှု
သွီးတူရေ နှလုံးသားတိနန့် 
တတူတူ ရင်ခုန်ခြင်း ညဇာသားတိ
ငါရို့ မမိန့် စတမ်း
ထိမ်းသိမ်းထားကတ်မေ...။

ငါရို့ ဝီးလားကတ်တေခါ...
သငယ်ချင်း
လူငယ်ပပီ အပြစ်မကင်းခကတ်
တခါတရီက နုပျိုရူးသွပ်ခြင်း ရာသီတိကိုလည်း  မိန့် နိူင်ကတ်ဖို့ လား
လူသားဆန်ဖို့ 
ဘဝမှာ အပြစ်အနာအဆာတိလည်း လိုရေ..
ခြောက်ပြစ်ကင်း သဲလဲစင်
မျဉ်းဖြောင့်ဆန်ရေ ဘဝကိုကား ငါမလိုချင်မိ...။

ငါရို့ ဝီးလားကတ်တေခါ...
သငယ်ချင်း
မင်းလည်း မင်းဘဝနိန့် ညတိအတွက်
ငါလည်း ငါ့ဘဝ အနာဂတ်တနံတလျှား
ပြီးလွှားကတ်ရဖို့ ငါရို့ခြီလှမ်းတိ
မောစီ ပမ်းစီ
ညောင်းစီ ညာစီ
မငြီးမငြူ တတူတူ လူသားတာဝန်တိ ပဝေ...။

ငါရို့ ဝီးလားကတ်တေခါ...
သငယ်ချင်း
မင်းလည်း မင်းစိုက်တေသစ်ပင်
ငါလည်း ငါဆောက်တေအိမ်
နွီးထွီးပြည့်စုံဖို့ 
ယောက်ျားစွာ တာဝန်ဝတ္တရားကြီးရေ ဦဆောင်မှုသတ္တဝါ
ငါရို့ ကမ္ဘာတစ်ခုလုံးကို မဟုတ်ကေတောင်
လူအဖွဲ့ အစည်းတစ်ခုကိုတော့ ဦးဆောင်ကတ်ဖို့ ...။

ငါရို့ ဝီးလားကတ်တေခါ...
သငယ်ချင်း
ခင်မင်ခသမျှ
ဘဝမှာ ပိုင်ဆိုင်စရာ အမှတ်တရတိပ ဝေ
ထာဝရ
ကမ္ဘာတည်သရွိ
ငါရို့သွီးတူရေ နှလုံးသားတိနန့် 
ဇာလောက် ဝဝီး
ဇာလောက် ကွကွာ
သတိရနိန်ပါဝေ...
သငယ်ချင်း...ငါရို့ ဝီးလားကတ်တေခါ...။

သွီးထပ် မှာတမ်း

သွီးထပ် မှာတမ်း

သံ တိုတ္တာထဲက
ပန်းလိပ်ပြာဝိညာဉ်တစ်ကောင်
သမရိုးကျ မဟုတ်
ရစွာနိန်ရာက စထားရေ
ဇာတ်လမ်းတစ်ပုဒ် ...။

အရည်မရ ၊ အဖတ်မရ
အိပ်ရာဝင် စိတ်ကူးယဉ်
အိမ်မက်တိအောက်
သမိုင်း မ၀င်နိုင်ရေ
ဘ၀ပိုင်သျှင်တစ်ယောက် ...။

လှိုင်းလီ ကြီးရေ
ပင်လယ်ပြင်ကြီးကို
ဖောင်လုပ်ထားရေ
ဝါးဆယ်လုံးနန်.
စိမ်ခေါ်ဝံ့ရေ
အညတြအရက်သမား ...။

ဖမ်းဆုပ်လို့မရရေ
အနာဂတ်တိကို
တစ်ထစ်ချင်းမတက်ဘဲ
ကျော်တက်ဖို့စိတ်ကူးကေ
ခါးရိုးကျိုးစွာ အတန်ကျသိမ့်ယင့် ...။

အတိတ်နန့်အနာဂတ်ကို
လက်ခုပ်သီးခတ်
လတ္တံ့တိကို ခနှုန့်သတ်ပနာ
လက်ဟိအချိန်ကို
ပေတံ နန့်တိုင်း
ယုံကြည် ချက်ကို
ဇမ်းပွတ် ကိုင်ကေ
ကကောင်းမ၀ီး ဒေ ...။

..................
အေးမောင်(ရင်အုံတော်ဓာတ်)

ချစ်ညီချေ ချစ်ညီမချေ

ချစ်ညီချေ၊ ချစ်ညီမချေ

ချစ်ညီချေ
ကျောင်းလားပါ ဝေ
မပျင်းပါဂေ့ ဝေ
၎ တန်းက ထွက်ပြီးကေ
နွားကျောင်းဖို.
စိတ်မကူး ပါဂေ့ ဝေ ................။

ချစ်ညီမချေ
မပျင်းပါဂေ့ ဝေ
ဆီဝယ်ဖို. ဖဲ့သာမဟိကေ
ဓာတ်မီးတိုင်အောက်မှာ
စာကိုဖတ်ပါ ဝေ
ဓာတ်မီးတိုင် မဟိကေ
မီးလူံရေ မီးဖိုနားမှာ
စာ ကိုဖတ်ပါ ဝေ ....................။

ချစ်ညီချေ
ဘ၀မှာပညာတက်အောင်
သင်ပါ ဝေ
အပျော် မလိုက်ပါဂေ့ ဝေ
ပညာရွှေအိုး လူမခိုးလတ်
သက္ကသိုလ်တက်ပါ ဝေ
အင်္ဂလိပ်စာ သင်ပါ ဝေ ..............။

ချစ်ညီမချေ
ဘ၀ ကို တစ်ခါလေ့
လက်မြောက် အရှုံး
မပီးလီဂေ့ ဝေ
ကြိုးစားရေ လူတွက်
မဖြစ်နိုင်စွာမဟိပါ ဝေ..............။

ချစ်ညီချေ
ပညာတက်ကြီးဖြစ်လားဂေ
အဖ ကျေးဇူးပြန်ဆပ်ဖို.
ရိုးတောင် တစ်ဘက်ကို
ပြန်လာပါ ဝေ
မင်းတက်တေ ပညာတိနန်.
စွမ်းဆောင်ပါ ဝေ..................။

ချစ်ညီမချေ
အဖ နန်. ဘ၀ ကို
မမိလီပါဂေ့ ဝေ
လူရပ်ပြည်မှာ
ဇိမ်တွိလားဂေ လေ့
အဖပြည်ကို ပြန်သတိရ ပါ ဝေ ......။

အေးမောင်(ရင်အုံတော်ဓာတ်)